من مده طويله ما جتش هنا يمكن لان كان في فتره كده النت كان بعافيه عندي شويه
بس خلاص الحمدلله بقى كويس ويمكن كمان لان انا كنت لسه مش عارفه اركب القطر ولا انزل منه
ولا ايه
بس اخيراً قررت انزل واستنى قطر تاني قطر يكون درجه اولي
قررت كمان اسيب في القطر القديم كل حاجه تعباني ومضيقاني
قررت اغير نفسي واخرج من مود الاستسلام للهم والاحزان والمشاكل
قررت انسى اني مقتنعه ان في نحس غريب ملازم حياتي
قررت احب نفسي وحياتي وادور على حل
ما استناش الحل يجيلي
سيبت شغلي الاولاني لا المشروع كان ابتدى يخسر بشكل مش لذيذ
وبدور على شغل تاني
عارفين اغنيه هتمرد على الوضع الحالي انا قررت اني اعمل كده
قررت اعمل اي حاجه علشان اغير من الوضع ده
اي حاجه بدال حلال وصح وترضي ربي وزوجي واهلي
وقررت اني مش هتنازل عن حمله الاحلال والتجديد دي
ولا اتقاعس عنها
( ايه اتقاعس دي ايه الكلام الكبير ده )
انا بقيت فيلسوفه ياجدعان
شكر خاص للفنان محمد عتلم
لسؤاله عني
مرسي مسيو
اخيراً سلام مؤقت مش طويل المره دي
ايه ياعم الكلام الكبير ده
ردحذفازيك يابنت السحاب ؟ انتى كنتى مغيمه اليومين اللى فاتو على اساس انك بنت السحاب طبعا بس الحمد لله شكلها مطرت .. احسن حاجه انك تبتدى حياه جديده وتركبى قطر جديد وتعملى موود جديد بس بقوانينك انتى وستايل عيشه وناس يليقو عليكى وترتاحى معاهم
وكمان غيرى شكلك ولبسك .. يعنى اعملى نيولوك . والله بتكلم جد كونى جديده .. شخص تانى . على الاقل لفتره محدوده ولما تزهقى ارجعى زى الاول لو حبيتى . على الاقل هتحسى بتغيير حصل فى حياتك . وكل مانغير الحاجات خبرتنا بتزيد اكتر
عشان تدوقى طعم النجاح لازم تعرفى طعم الفشل
وكتر الوقوع يعلم المشى
ومرسى جدا جدا على الشكر الخاص اللى فى البوست بتاعك .... يا .... بنت السحاب
الله ... انتى مش قلتى انك مش هتتأخرى تانى ؟؟؟
ردحذفانتى فين بأه ؟