عندي حاله مش طبيعيه من الملل واحساس فظيع بعدم الامان
ناس بتقول كلام وبعدين تقول كلام تاني انا عارفه اني مش بقول كلام جديد
ناس بتحبها لدرجه صعب تخيلها
ومتفهمش هما بيحبوك ولا بيلعبوا بيك
وناس تانيه بتحبها والغريبه إنك بتتمنى موتك او موتها يمكن علشان متكرهمش
انا خلاص تعبت
يمكن لاني معدتش اقدر اوسطن دراع الحنفيه زي ما بتقول خيخه
يمكن فجأه حسيت اني وسط زلزال مستمر
جوه قطر كله سبنسه درجه عاشره
مش فيه عربيه عدله
مش عاوزه اعيش بجد جواه تاني
ومش فاهمه ممكن نغير القطر في محطه تانيه ولا لاء
ولو غامرت ونزلت هلاقي قطر عدل
ولا هفضل محلك سر
لا مني الي وصلت لمحطتي في ميعادي ولا مني الي لاقيت قطر يريحني
واهي محطات بتعدي وانا واقفه على باب القطر اقدم رجل واخر التانيه
مش قادره اخد اي قرار
ولا انجز اي انجاز
والحياة حوليا ماشيه يمكن ساعات تزهزه وتلون بس في الغالب اسود من غير ابيض حتى
سامحوني
البوست غامق قوي بس دي مجرد فضفضه من غير أي معنى حاجات جوايا محتاجه تخرج
اولا انتى غبتى اوى وده مش حلو بس ماشى هنعديها .
ردحذفثانيا القطر اللى شكله وحش من برا متركبيهوش من اصله وكبرى دماغك منه اكيد هتلاقى اللى جاى احسن ولو مش احسن استنى اللى بعده
ومن غير متوسطنى دراع الحنفيه سيبى كل حاجه تمشى زى ماهيا لوحدها وسيبيها على ربنا تمشى تمام
اقولك على سر ؟؟؟
متديش فرصه لحد يتدخل فى امورك الشخصيه ومتعرفيش حد اسرارك .. ساعتها هترتاحى كتير من وجع الدماغ
وبعدين اللى عايزاه اعمليه طالما هوا صح ومتسمعيش كلام حد فى حاجه تخصك عشان اللى هيديكى رأيه هيكون الرأى ده رأى شخصى متفصل على حسب احتياجاته هوا مش احتياجاتك انتى
وسر كمان.... انا طول عمرى بشغل المصفى للحياه ..
الحاجات الصغيره والاشخاص الصغيرين على طول بينزلو من المصفى ومبيبقاش غير الناس الكبار مش شرط كبار فى السن بس كبار فى القيمه والمضمون انما الصغيرين فى القيمه بينزلوا من خروم المصفى
دايما بطول عليكى..استحملى بأه
الووووووووووووووو
ردحذفانتى رحتى فين ؟؟
اظهر وبان وعليك الامان