مين بنت السحاب ؟؟

صباح الخير عاليكم ومساء السعاده لو دخلتوا باليل

بقى ياجماعه

انا اصلا ماكنتش بكتب بالعاميه انا اصلا واحد بتاعة فصحي

وعروض ونحو وصرف وبلاغه

وحاجات كتير مكلكعه كده

بس في وقت حسيت اني عايزه اتكلم كده من غير قواعد وقافيه

عاوزه افضفض شويه

فاعملنا اللمدونه دي لكن المدونه الاساسيه هي

my dream

مين بقى هي مي دريم ومين هي بنت السحاب

هي

مروه عبده من عباد الله

مصريه طبعا

من مواليد السعوديه

وعلشان كده بقول للدكتوره ستيته حسب الله الحمش

اني هعملها القهوه والحلا وكل الي تبي

ولو تبغى تتعشى كبسه انا حاضره

عشت في السعوديه عمري كله تقريبا علشان كده بتكلم اللهجه السعوديه بشكل ممتاز

وكل اصحابي تقريبا سعودين

لما رجعت مصر انصدمت جدا لاني شوفت سلبيات وجعت قلبي

وهتتجنن علشان نغيرها

متزوجه من ابو حميد

راجل بجد ربنا يكرمه

بحبه قوي

لانه بجد يستاهل اكتر من الحب

انسان بيتقي ربنا فيا

ربنا يخليهولي

لسه ما بقتش ماما

ادعولي

بحب اكتب وكمان بحب ارسم

بس في حاله فاظيعه من التنح

والابداع والالهام راحوا مشوار طويل ومش عايزين يرجعوا

بس دي اغلب الحاجات عني

دخلت عالم التدوين من زمان بس في البلوجر ليه بس كام شهر

اول مره ادون بالعاميه كانت هنا

فربنا يعينكم على العتة الي هتقروه

حتى ابليس عاوز ياهاجر ( من ايميل وصلني )

على باب سفارة كندا.. لمحت ابليس و ف ايده استماره..

بقول له على فين.. قاللي بص .. يا هجره يا اعاره..

يا عم زهقت.. كفرت ..

الاقيش معاك سيجاره..

انا انتهيت خلاص ..

لا نافع وسواس ولا خناسولا ليا عيش وسط الناس..دا عالم مجرمين..

عندكوا فائض ف الفساد..في كل البلاد..ومش محتاجين شياطين ..

مليش عيش ف دي البلاد......بقالي سنين عاطل .

و انتوا بتعرفوا تقلبوا الحق باطل..

و تسلكوا القاتل ..

و تمشوا ف جنازة المقتول..

ومفيش مشاكل..

يا عم ده انا بقيت أوسوس بالمقلوب..

و أقول للحرامي .. كفايه بقى .. توووووب..

انت ايه . لوحدك هاتعمل كل الذنوب..

أنا ابليس أشتغل واعظ ..!!!!!!!!!!!!!؟ ولا كمساري ف اتوبيس..

يا عم ده انا زمان كنت استنى حد ينسى يسمي وهو بياكل لقمته..

دلوقتي كل اكلكم ملوث .. و بصراحه الواحد خايف على صحته..

ده مفيش ضمير اساساً عشان اموته..

و كل واحد بمزاجه .. خربانه ذمته..

يا عم ده كل حاجه اتسرقت..وكده الاجيال الجديده م الحراميه اتظلمت..

يا راجل ده من كتر ما لطشت معايا..خرجت ف مظاهره مع الناس اللي بتقول كفايه

..و برضه ......... مفيش فايده انا خلاص كده هاجج هاجج