انا ممكن اكون كل واحد منكم او ممكن اكون انا كلكم انا بنوته كنت زمان صغنونه وبتحلم تكبر
انا ابنه لاب حنون ومثقف بتعشقه وبتحترمه ولام طيبه وجميله بتتمنى ربنا يرحمها
وكنت صبيه نفسها تتجوز
وكنت عروسه ننوسه
ودلوقتي انا زوجه شابه جدا ساعات بتكون مخنوقه واحيانا طهقانه وبتوصل بيا ساعات اقول جاتها نيله الي عاوزه تتجوز واوقات بكون سعيده جدا بكوني زوجه
انا ام صحيح ما خلفتش بس شاركت في تربيه اطفال كتير وبخاف عليهم موت وبزهق منهم ساعات موت ولسه بدعي اكون ام بجد موووووت
انا اخت لألف اخ واخت امي ما ولدتش منهم غيري بس اقدر افهم يعني ايه اخ واحس بيه
انا الف لسان ولسان هتكلم كل اللهاجات هتكلم مصري هتكلم خليجي وهتكلم شامي
هاغضب وهاأثور هافرح هأضحك وهابكي
هتكلم في الدين و السياسه وفي الفن وفي الحياة هكون صاحبة موقف ساعات هتلقوني خيخه وساعات اجدع من الف راجل
ها احب واحب واحب
هاكون ديما عاليه زي السحاب في السما ماهو اصل انا بنت السحاب
دي كانت انا انا بقى نفسي اقول ايه النهارده
غزه غزه غزه
مدينة الشهداء
هقول اني زهقت وقرفت من
ندين
ونشجب
ونعترض
ونندد
ونستنكر
نفسي بجد نتحرك
نفسي يقوم فينا معتصم
نقوله وا معتصمااه
نفسي يتجدد فينا صلاح الدين ويقود بينا حطين
انا النهارده للأسف مش قادره اكون غير تعيسه
ايوه انا النهارده تعيسه بس فرحني حاجه شوفتها
تعرفوا شوفت ايه من فوق من على السحاب شوفت ارواح طالعه لربها كلها طايره كلها فرحانه كلهم شهداء لما بصيت تحت لقيت بنات واولاد صبايا وشباب بيجروا بيتسبقوا علشان يدافعوا عن كرمتهم عن ارضهم وعلشان يلحقوا الارواح الي سبقتهم وطلعت قبلهم عاوزين يلحقوا مكانهم في الصفوف الاولي نفسهم يبقوا مع الرسول والصديقين
صحيح دي حاجه تفرح بس تعرفوا ليه انا بقيت تعيسه لانهم لوحدهم كل الي احنا بنعمله اننا بندعي بنعمل بس اضعف الايمان
الأحد، 4 يناير 2009
الاشتراك في:
تعليقات الرسالة (Atom)
مبروك على المدونه
ردحذفوشرفتينى فى مدونتى
اانا معاك اننا بنعمل اضعف الايمان بس ده لاننا مش عارفين نعمل حاجه غيره
تحياتى
بنت السحاب
ردحذفمبروك على المدونه اللى شكلها هيكون قوى بأذن الله
وكملى مدونتك على خير وبالتوفيق
مبروك على المدونه الجميله وياريت تقبلى مرورى الاول وفعلا كل واحد بيسئال نفيه هو مين بس فى الاخر بيحاول يعرف نفسه احيكى على المدونه والبوست الجميل
ردحذفتحياتى